Тақырыбы: «Тілім менің-мәңгілік»
Мақсаты: Балаларға тіл туралы, рәміздер түсінік беру. Рәміздерді сипаттауға үйрету, тілдерін дамыту.Қазақстан Республикасының рәміздерін, тілді құрметтеуге тәрбиелеу.
Жүру барысы:Балалар әуенмен залға кіреді.
Тәрбиеші: Балалар,бүгін бізде ерекше күн,бізге көптеген қонақтар келіп отыр.Олай болса қонақтармен амандасып алайық. Ерекше күн деп есептеп бүгінгі тіл күніне арналған тақырыптық іс-әрекетімізді Еліміздің Гимнімен бастайық.
Гимн орындалады.
Тәрбиеші: Бұл мерекеміз елбасымыз Н. Ә. Назарбаевтың 22 қыркүйек Тіл мерекесі күні болып атап өтілсін деген бастауын қолдап, мерекеге жиналып отырсыздар. Яғни 1997жылы 22 қыркүйек күні қабылданған Қазақстанның тіл туралы Заңында Республика халықтарының тілдерін қолдау мен дамыту құқығының негізі болып бекітілген. Біз ана тілімізге деген сезімімізді білдіретінімізге қуаныштымыз.
Тақпақтар:
Ләйлә: Ана тілің-арың бұл
Ұятың боп тұр бетте,
Өзге тілдің барін біл
Өз тіліңді құрметте.
Азиза: Ана тілім –менің
Әлдилеген әнім
Ана тілім-демім,
Ана тілім жаным
Ерназар:Жанымнан да қымбат,
Ана тілім маған
Ана сөзін тыңдап
Үлгі,өнеге алам.
Нұрасыл: Ана тлін біліп қой
Еркіндігің,теңдігің
Ана тілін біліп қой
Мақтанышың,елдігің
Зейнеп:Ана тілім-ұраным
Ана тілі-құралым,
Ана тілім болмаса
Мықты болмас тұрағым.
Амина:Ақыл-ойын адамның
Ана тілден аламын ,
Ана тілді ардақтап А
қ сүтіндей анамның
Досхан: Туған тілім-бабам тілі-өз тілім,
Туған тілім-анам тілі-өз тілім.
Туған тілім-далам тілі –өз тілім,
Туған тілім-адам тілі-өз тілім.
Тәрбиеші: (Слайд) Қазақстан мелекеті туралы слайдтан көрсетіп әңгімелеу.
Ойын: «Менің елім –мақтанышым»
Балалар біз қай Республикада тұрамыз?
Елбасымыз кім?
Қазақстан Республикасының бас қаласы қай қала?
Біз қай қаласында тұрамыз?
Ұлтымыз қандай?
Қазақстан Республикасының мемлекеттік тілі қай тіл?
Тіл мерекесі жылдың қай айында атап өтіледі?
Жұмбақ шешу :
Тілден ұшып, құлаққа қонады. (Сөз)
Қабат-қабат қаттама, Ақылың болса, аттама (Кітап)
Жағалай-жағалай тас қойдым, Жирен атты бос қойдым. (Тіл,тіс)
Оттан да ыстық, ол не..? (Отан)
Балалардың тақпақтары:
Мунира:Ана тілім-елім, Қ
ажыр,қайрат,күшім
Ана тілім-менің
Басты бақыт құсым.
Мадина:Өсірген ой білімді
Сүйем туған тілімді
Мақсат етем әр сөздің
Мәнін терең білуді.
Мансур: Ана тілі –елдігім,
Ана тілім-ерлігім
Ана тілім-болмаса
Бүтінделмес кемдігім
Асылым: Даламыздың үні деп
Ана тілін, ана тілін
Ана тілін сүйеміз
Інкәр: Ана тілім бал тілім
Өзің барда шалқыдым,
Өз тілімде ән шырқап
Тербелетіп балқыдым.
Аяна:Тілім барда мақтанам
Тілім менің аппақ ән
Бірлігімді бүгінгі,
Ана тілім сақтаған.
(Слайд арқылы рәміздермен таныстыру, сипаттау)
Ойын: «Қазақстанды гүлдендірейік»
Тәрбиеші: Біздің балаларымыз тіл туралы мақал-мәтелдер біледі екен.
Қане кім айтады?
Аяна: Ақыл озбайды,білім-тозбайды
Нұрасыл: Оқу білім бұлағы,Білім-өмір шырағы.
Рамазан: Туған жер-алтын бесік.
Зейнеп: Тіл мәртебесі –ел мәртебесі.
Ерсұлтан: Тіл –достықтың алтын көпірі.
Амир: Өз тілің-бірлік үшін,Өзге тілің-тірлік үшін.
Аружан: Тіл ақылдың-өлшемі.
Айсезім:Талаптыға нұр жауар
Ойын: «Байтеректі орналастыр»
Тәрбиеші:Жарайсыңдар балалар ,олай болса бәріміз бірге «Ана тілім»әнін орындайық.
Ән: «Ана тілім»
Қорытынды:
Балалар біз бүгін қандай мерекенің құрметіне жиналып отырмыз?
Қазақстан Республикасының Рәміздерін атайықшы?
Тәрбиеші: Жарайсыңдар балалар,осымен біздің Тіл мерекесіне арналған іс-шарамыз аяқталды.
Шеңбер құрып бәріміз бірге:
Қол ұстасып тұрайық,
Үлкен шеңбер құрайық.
Көріскенше күн жақсы
Сау саламат болайық!
№ 5 «Аққу»бөбекжай-балабақшасы
Тақырыптық оқу қызметінің тақырыбы: «Тілім менің мақтанышым!»
Өткізген: Бекмуханова Г.Е.
Ортаңғы топ № 3 тәрбиешісі
Атырау- 2018 жыл
© 2023 Ualihan.
All Rights Reserved.
